Safar

Akeli nikal padi ek safar mein
Na toh naksha hai, na koi thikaana

Mann mera bataata hi nahi mujhe
Aakhir kis taraf hai usse jaana?

Ek bhaari basta kandhe pe liye
Na toh saathi hai, na koi sahara

Na kisi humsafar se takraane ki umeed hai
Bekhabar chalta hai mann banke ek awaara

Ek ajeeb sa darr liye aankho mein
Na manzil dikhti hai, na koi haseen nazaara

Na toh kadam rukte hai ek pal ko bhi
Qismat se door bhaagta raha ye mann bechaara